星座性格大披露 之 巨蟹座
你最好係：
在人生最失意的時候會想起誰？想多無謂，要數細心同溫柔，十二星座之中，別無他選，一定是你！你份人感情豐富又識體貼、得人鍾意之餘又樂於助人。對朋友義無反顧、念舊之餘更有情有義，屬於善於交際型。你的母愛多到滿瀉，所以選擇對象時，會有意冇意找一些孩子氣類型，方便你喜歡「湊仔」的性格。你的家庭觀念很重，對處理家頭細務更有一手。你的直覺強烈，富有同情心，想像力亦非常豐富，不過有時太過有想像力，反而會令自己變成情緒化，小心！
你最唔好係：
你份人太過感情用事，不但心腸軟，還會跟著感覺走，所以好易做錯決定！最慘你又情緒化，，做事有點消極、加上喜怒無常，做你的甜心一定要有定心理準備！有時你又會好敏感、多愁善感同缺乏安全感！十二星座中（又係十二星座），最容易暗戀人的一定是你！因為你太害怕受傷，心靈又脆弱，所以你寧可自己一個人編織愛的童話，都唔願殘酷的事實破滅你心中所愛的形象！工作方面，你受軟唔受硬！客客氣氣叫你做事，你必定做足一百分；但如果order你強迫你做任何事，抱歉，你一定唱反調，仲要講句：我唔做，你估會死呀！